छठी माई के गीत।
हे छठी माई, घरे कइसे आई।
हे छठी माई, घरे कइसे आई।।
संकट में संसार घिरल बा
जेहि देखा वहि आज विकल बा
ई संकट के दूर करे के
ई संकट के दूर करे के
अब करा तू ही उपाई।
हे छठी माई, घरे कइसे आई
हे छठी माई, घरे कइसे आई।।
कइसे जाई गेहुँ पिसाई
कइसे दौरा घाट पहुंचाई
केरा के घरवा अउ उखिया
केरा के घरवा अउ उखिया
अउ फल के डलिया कइसे आई
हे छठी माई, घरे कइसे आई
हे छठी माई, घरे कइसे आई।।
विधि विधि के पकवान चढ़ाइब
डूबत सुरुज के अरघ चढ़ाइब
गेंहू के ठोकुआ डलिया में रखब
भीनसारे फिर अरघ चढ़ाइब।
हे छठी माई, घरे कइसे आई
हे छठी माई, घरे कइसे आई।।
हम बालक नादान अही माँ
हम पर तू ही ध्यान धरा माँ
हमके अब आशीष ओढावा
हमरो करा अब तू सुनवाई।
हे छठी माई, घरे कइसे आई
हे छठी माई, घरे कइसे आई।।
✍️©️अजय कुमार पाण्डेय
हैदराबाद
17नवंबर,2020
कोई टिप्पणी नहीं:
एक टिप्पणी भेजें